毫无预兆咁，同只傻婆无端端嗌交，理由就更加无哩头，竟然系因为边个先系外星人

        可能惯咗系平时互相迁就，系呢个无关痛痒甚至可以话系白痴嘅问题上面，我哋第一次嗌咗交

 而我同傻婆两个都一步都唔退，最终结果系傻婆嬲爆爆咁离开饭堂，我都嬲爆爆咁食咗餐饭

        我惯咗做投降果方，食完饭即刻call下佢，听到佢把声，惨囖～～唔对路～～佢好似风沙入眼啊

        道歉嘅过程系漫长嘅，虽然大家都有错，不过第一次见到佢风沙入眼好惊啊，应承过唔会整喊人嘎

        希望星期日嘅雪糕可以令到傻婆笑翻喇

      作为十二生肖嘅大佬，老鼠兄已经好近我哋喇。同时代表又一个新循环，有一个新嘅12年嘅到来。

      首先 鼠年肯定啱晒我呢D鬼鬼鼠鼠嘅人喇，所以鼠年我要行好运

       今年猪年其实都几开心嘅。努力咁读书，好顺利咁考咗上去本科，跟住系高中同大学亦都识咗班兄弟同好朋友。猪朋狗友又好，知心好友又好，无咗你哋其中一个我都少咗好多快乐。

       财运尚算可以，起码正常咁洗都够用。不过我要发达，我要更多嘅钱～～～～～～～～我要做下一个李嘉诚

       至于同阿爸阿妈嘅关系都好咗好多。虽然间唔中仲有同老窦开下片，同娘亲嗌下交。

       当然都有唔开心喇，譬如同某D同学直到衣架都未和解或者失去联系揾唔翻人，如果你系其中一个嘅话，原谅我以前细个唔识嘢得罪你，细佬以后唔敢嘎喇，失去联系嘅同学，留言比我啊，大家继续做朋友。再加埋年尾个死人雪灾，今年中国真系衰收尾啊

       最后压轴，今年最重要，唔好望隔离喇，系你啊衰婆。点都估唔到自己会同一个人识咗一个月就开始咗，不过中意就系中意，无办法。衰婆睇到衣度唔好得戚，你如果唔锡我呢，我会...... 当然我会锡晒你喇

       最后希望大家鼠年快乐，身体健康，大把钱洗，左右逢源，不劳而获，早生贵子，快高长大，学业进步，步步高升，......

PS：以上祝福有边样你觉得唔需要，又或者唔可以咁嘅就当睇唔到喇

       感觉呢篇写得唔系时候而且时效性极差，因为广州队冲超成功呢件事早系几个星期前已经天下皆知，不过我仍然想讲一下，作为一个支持咗广州队两年嘅球迷离讲一下。

       仲记得2006年3月，我第一次入场支持广州队。虽然细细个嘅时候都试过比老窦带去睇太阳神，可惜个阵仲未感受到足球嘅魅力，次次去到就系识喊住话要离开。但系个次广州队系越秀山主场对江苏嘅冲超大战（不过事实系一D都影响唔到冲超），成个越秀山成万几人一齐叫广州队，第一次就比呢个场面所震撼同感动。原来系电视里面见到欧洲球迷嘅激动场面系中国都可以见到，而且就发生系广州越秀山。再加上入球嘅全场欢呼，为广州队抱打不平继而用各式方言粗口去口刁裁判，呢D都令我感到呢支球队系属于我哋广州嘅，真正属于广州嘅，唔理佢嘅赞助商变成边个。

       从此我就经常自己一个去越秀山睇波，去支持广州队。去到2006年6月头，广州队主场对南京有有，加一个偶然机会，我先知道原来PY仲有好多人系去睇广州队嘅，而且唔少我原本都识添，可惜个场广州队主场惜败0：1。赛后我哋几个一齐口刁七大七嘅用人同战术同埋场上面倒米多过帮手嘅球员。令我估唔倒嘅系呢场竟然成为广州冲超嘅最大转折点，从呢场之后广州系06赛季就开始走下坡，系积分榜上面渐渐由第一退到第三，冲超前景亦都越离越灰暗。最后系06赛季倒数第二场，又系对南京有有，就系呢队南京有有打窒咗广州队道势，呢次呢队南京有有系讲广州队最后嘅冲超希望打破。

       好彩今个赛季，广州队终于无再犯同样嘅错误。成个赛季嘅表现一直好好，亦不枉我今个赛季一得闲就去主场支持。可惜一次客场之旅都无去到，遗憾啊！

       今日就大日子囖，广州今个赛季最后一个主场，亦系最后一场比赛广州冲超成功之余仲要摞埋中甲冠军，系比赛之后我哋系咁唱系咁跳。最后唔过瘾，走埋出应元路度游行，仲绕住中山纪念堂公园行咗圈。路上面嘅人唔知发生乜事嘅就以为我哋癫咗，知我哋系庆祝紧嘅加埋入黎一齐癫。最后就系我扮到成个包头阿叉咁系越秀山体育场个牌坊下面影相。

       下个赛季广州队就有中超嘅主场比赛，可惜我去咗外地读大学，应该都无乜机会翻黎睇，而且唔跟住球迷联盟玩亦都无咁好玩。我中意成场比赛又唱又跳又叫咁，唔系好似D阿伯咁坐系度，担住口烟昂句句坐成场！！！

       《广州队》《搏命歌》，四年之后希望可以系亚冠嘅主场赛场上继续唱。广州队，广州人嘅球队

       琴日我又一次翻咗去PY，仲记得高1高2个阵自己点样系D F面前好肯定咁讲  摞咗档案之后再都唔会翻PY，不过前几日高三同班嘅一话翻去我林都无林就好肯定咁话一齐翻。PY鹤洞校区，计埋初中嘅一年我足足系度生活咗4年，呢四年望住鹤洞校区系咁变，而自己亦都慢慢咁跟住变。变得服从，变得功利，变得......

       琴日翻到去，见到新嘅教学楼，实验楼同饭堂都起得7788，两个月无见，PY又变咗

       记翻起起系PY同D F嘅各样事，特别系高中真系开心多，唔开心嘅好少好少。个种怀念嘅感觉又同暑假个种唔同，大约系因为已经有一个月大学经历挂。虽然成日净系见到一个老师，不过呢个老师系同我最F嘅老师之一，高三班主任，就系佢令到我无放弃自己，系高三都叫奋斗翻一年，衰衰哋咁考翻个本科。再见到今届补课嘅高三。佢今年已经第三年教高三，真系辛苦，唔知佢嘅双胞胎大计几时先可以付诸实行呢。再问翻几个同我玩得埋嘅师弟，佢哋嘅生活如同我嘅翻版，努力咁复习读书，不过间唔中都会上课训下觉，逃下课去打机或者迟咗起身上小一节课。

       高中里面最辛苦嘅高三，同时亦系最幸福嘅高三，虽然辛苦，不过过得充实。起码唔会再以前咁无端端又过咗一日。PY  我真系当咗佢系我母校，六年离，我有太多记忆系度，祝福各位系PY出离嘅兄弟姐妹们生活快乐吧！！！

      唔觉唔觉我大学本科嘅生活咁就过咗一个月

      呢一个月真系一次过拥有大量惊喜，报到惊喜发现室友竟然系朋友嘅朋友，军训训练惊喜咁晒到发烧，再就系惊喜咁发现自己入咗所谓嘅英语快班，最后系“十一”前更加惊喜咁认识咗好多新同学。

      首先唔可以唔讲嘅就系我宿舍嘅室友门，首先有好搞笑嘅阿彧，劲搞笑嘅室长同埋搞笑搞到得罪全室人嘅七头成。

     七头成此人具备大量优点，如作为一个中山石岐人竟然系石岐荡失路，长期连累室友，或者系同人倾计搞笑嘅时候可能有心可能无心又可能半有心半无心咁得罪人，有室友如此真系惊喜到得人惊。再加埋佢D乱指路嘅本领，绝对系我去中山嘅第一个大发现。

     学校虽然唔算大，不过都叫设备齐全，而且有个好处就系返学唔洗行几个字咁耐，五分钟可以行到去课室。不过由于有个死人夺命坡系度，日日都要爬几次，个人想唔壮都唔得。学校周边环境仲可以嘅，起码都叫有两个大商场，基本生活娱乐都集中系一齐。虽然系咁，我仲系比较挂住广州嘅北京路同流前。

     本科真系一种好奇妙嘅感觉，先享受埋个“十一”，再翻去慢慢品尝本科生嘅感觉

  我今日要讲嘅Prison In唔系米国个出令人惊心动魄 Prison Break嘅续集

  而系本人实拍嘅   系听日正式开镜前肯定系要做好Prison In嘅准备先

初睇好似好多嘢

其实仲有一堆嘢我未影姐  明明初中已经有过住宿嘅经验  不过到衣架仍然有紧张感

始终唔知会唔会预到初二初三个种甘好玩嘅兄弟  如果预到D乜马加爵就死喇

每个新入去电科打中山“监狱”嘅都要先劳改一个月先

跟住先开始文化改造 

可惜我温唔到呢个“监狱”嘅设计图  听日就要入去喇  跟住就系入去坐翻四碌

好彩系文化改造开始  个Prison就随便人Break

各位如有兴趣到中山市游览我入住嘅电子科技大学中山“监狱”

请打15820535047

不过系呢个“监狱”同Sona一样 唔担保人身安全嘅

入去嘅买定保险先  受益人最好填本人名字

         今日翻埋最后一日工  开始咗暑假嘅最后呢个星期

         虽然几日前中大D高手就已经去咗报到   不过鬼叫自己本B乜   唯有等多个星期喇

         因为好多人都去咗报到    今个星期净翻可以做嘅嘢就系同未去报到嘅兄弟玩尽佢喇

         因为读完大学四年之后都唔知聚唔聚得翻

         林起中学六年

         初中由于自己傻更更  同D同学都无乜好关系   更加无乜感情同回忆可言

         最深印象嘅只系初三最后嘅冲刺   同成个宿舍一齐5点9起身   6点2吃完早餐翻去班复习   跟住就系考翻培英

         高中先多咗回忆

         高一嘅师傅  小四  小胖胖  Summer等仲未计住宿生   好多都同我几F  起码无咗初中个种冷漠感

         高二更加系好玩到抽筋   系高二下学期最后一晚我翻咗学校同成个班一齐聚   林起李平个落汤鸡嘅样

  真系感叹 去边温个甘玩得嘅班主任   可惜最后搞咗李平  要佢去级长度帮我哋道歉

        高三  博杀喇  所以大家都少咗玩   不过都叫比我温到几个可以玩嘅对象  高妹  炒面  姐姐   傻玥

  仲有高三重新认识嘅烂屎   再加埋其他17个兄弟同一个搞笑嘅班主任  唔经唔觉就过咗一年

      其实仲有好多回忆记起心度

     虽然自己想唔起  唔代表心里面唔记得   

        成个几月无写过体育新闻  今日要过下瘾喇

        US Open爆晒大冷

        WTA方面两个曾经嘅世界第一都系第三轮被淘汰

        轩芝斯从新出离打波之后虽然一直好稳定

        可惜就系稳定过头   从来无回升翻佢第一次退役前嘅一姐风采同实力

        次次系巡回赛都系4强  8强之类嘅  呢次就威晒  第三轮可以走得

        不过舒拉宝娃呢个卫冕冠军好早出局就唔需要意外

        佢呢期状态一直都唔多掂   输  系应份嘅

        英超就谢拉特吧

       利记唔通终于要摞翻次联赛冠军？ 

       如果实现咗  甘原黎已经比利物浦人当神甘拜嘅宾尼迪斯会比提高到一个乜高度呢

       至于保级方面 早早甘走咗支打比郡出离   打比今年都冻过水嘎喇

       两个席位尚有期待   保顿虽然换咗主教练  不过系人员同打法都无乜点变嘅情况下唔应该系甘差嘅

       仲有34轮  保顿尚可以期待下

       其他球队由于无得睇英超所以唔多清楚今季情况

       不过系欧联全部英超球队都第一档嘅今年   英超应该系越来越精彩嘅

       最后系巴治奥访华

       最可惜个网友    巴治奥见面会1点开始

       佢十二点3先问我要唔要飞   芳村去天河军体嘅路程啊  9个字点去到

       比较开心嘅系广州队继续胜利嘅势头

       继续系打少一轮嘅情况下做中甲领头羊   令人感到冲超前途一片光明

       打好九月嘅比赛就可以提前冲超   客场做低肛骚佬  Yeah！！！

        最后体育新闻嘅梦想死系摇篮中都系衰自己高中唔读书

        大学要努力啊

         月头部机无啦啦坏咗

搞到成个月个blog都无更新

不过呢个月其实都无乜好讲嘅

无非系一次告白失败    去咗一次大亚湾游水  仲有梗系去越秀山睇广州队嘅比赛

加埋数次同学聚会

初中嘅聚会系比较深印象亦系比较开心嘅

以为大家经过高三一年都大个咗好多

好似得我一个仲系以前甘傻更更

睇离我都需要学习下成长下啦

今日下午同个F系海印间TenTwo吃饭嘅时候

老窦突然打电话离    原因竟然我入咗本科啦

翻到屋企上网查下录取结果

发现系未查到嘅

原来系老窦省招生办嘅F查到嘅

连专业都好似知道埋

就系第一志愿嘅法学

早听过人话学法学嘅人系变态嘅

感觉就符合我    从小学到初中到高中都有人话我系变态嘅（其实高中好少听到）

我去咗电子科技大学中山学院 边位同学系果边读嘅（比如珠海 澳门 中山等）嘅

Down声吧

大家有个伴 

琴晚去咗奥体睇曼联

场面少许沉闷

球星亦无上几个

至于气氛更加无越秀山嘅山震佄火爆

唯一支持我睇落去嘅就系支持下本地球队

相我影咗唔少

不过发觉无龙生个D佄清楚

所以大家想睇嘅话

所以大家想睇相嘅就去    http://sevenkazuya.blog.163.com/  

D相清好多

PS：如果边个琴晚场波系买咗上盘嘅  讲我知

我帮你默哀几秒

上次中甲广药主场对哈尔滨得D地下盘

广药让球半/两球   仲要系超低水

虽然广药最后7：0赢咗

不过超低水赢咗都无肉生

今次系第一次有大公司开盘啊

广州队今次威水囖

今次曼联让得够深  而且水位都尚算可以

既然深圳输咗6球  首尔FC都输咗3个净胜

广州输够4球系有可能嘅

首先广药过多半个月就要打中甲下半程

系呢个敏感时期大家都系打友谊波多

广药嘅队员唔搏根本阻止唔到曼联嘅渗透性踢法（打江苏就系好例子）

预计广州队今场输个4到5比0吧

自从上咗高中之后发觉同老窦变得似兄弟多过父子

我同老窦都中意打麻雀打羽毛球同埋中意过大海

不过更XX（唔知用乜adj.）嘅系

我发觉我对于老窦嘅毒打  我开始识还拖啦

高中三年同老窦哎交无数场  打出手嘅次数亦都超过手指脚趾嘅数目

原本林住高考完放假啦应该无嘢嘈啦呱

点知平安咗一个月系前晚又再同老窦离咗场VR真人

个晚我吃完饭就系度玩PS2嘅怪物猎人2

阿妈叫我洗碗佄我应承咗林住夜D玩够先洗啦

点知到咗11点几老窦叫要我洗碗先

佄我咪去洗囖  摞咗个汤煲入厨房出离

老窦又再无端端发花癫丢D碗落地（理由竟然系我放汤煲个阵D声大D，佢认为我发佢脾气）

佢佄认为我咪惟有顺佢意发下脾气囖  佢丢碗我咪丢碟囖

系我丢晒D嘢落地之后成个厅都系碎片

跟住就梗系到直接郁手啦

虽然大家都无乜点打伤  不过跟住嘅肯定又系一场冷战

顶佢个肺啊

岩岩大暑完佢以为得佢有火啊

PS：今日仍未停战 但我D曼联VIP增票仲系佢手

        我听日点去睇曼联对广药啊

今日同D F去咗青宫睇《男儿本色》

情节一般啦讲乜我其实都唔多记得

睇佄耐最深刻嘅就系爆玻璃

由开场打劫解款车开始就一直爆到完场

特别睇到最后一战嘅地方

我哋就估紧究竟要用够乜招式手段去爆佄多玻璃

最后仍然系用炸弹呢个最旧不过又最实用嘅方法去搞掂晒D玻璃

真系邓D卖玻璃嘅人开心

爆佄多玻璃又有大把赚啦

总括离讲呢出戏都系值得去电影院睇嘅

PS：睇完之后出去竟然意外见到我哋“除四害办公室”嘅大敌人“四害之一”

无奈我哋“办公室”人未到齐

只能暂时撤退

琴晚个乱到唔乱嘅欧洲站终于使到小黑无得再上领奖台

不过呢个排名亦同佢比较差嘅排位赛成绩有关

可见佢离车王舒麦加嘅水平仲有好远

如果系车王起码唔会比人套圈

分分钟上埋领奖台都得

好彩小黑衣架仲领先住阿朗素12分

今年嘅总冠军仍然系大热